美國雜誌《福布斯》公佈最新一期世界富豪榜，中超球隊廣州恒大嘅班主許家印，以391億美元（約3050億港元），排名世界第15位，亦係中國首富。唔單止許家印有錢，恒大另一班主，阿里爸爸嘅馬雲，亦以382億美元（約2980億港元），排名世界第19位，亦係中國第三富豪，僅次於許家印同馬化騰，一間中超球隊由首富同第3富擁有，仲有邊隊夠佢哋鬥。