現年41歲的視帝陳展鵬昨日宣佈，迎娶拍拖一年多的28歲女友單文柔。兩人早前已遠赴英國及法國拍攝婚照，陳展鵬接受傳媒訪問時說：「英國係佢好鍾意嘅地方，所以喺英國做呢個畫面出嚟，係希望佢留住呢刻回憶啦。」兩人將於下月中在香港舉行婚禮，「鵬單戀」修成正果。

陳展鵬昨日忽然對傳媒自爆，於訪問中宣佈迎娶28歲女友單文柔（Phoebe）。陳展鵬表示是在香港求婚，將於下月中在香港舉行婚禮，而婚照就是早前於英國及法國拍攝，他在訪問中表示：「點解去英國，因為係佢（Phoebe）好鍾意嘅地方，同埋佢喺嗰度讀書，所以喺英國做呢個畫面出嚟，係希望佢留住呢刻回憶啦。」昨天陳展鵬再向傳媒發聲明，感謝大家關心：「今日，好高興同大家宣佈，我要結婚啦！一路以來，我都全情投入工作，直至Phoebe的出現，讓我們感受到幸福和信任。對於感情方面比較傳統的我，是時候用我最大的努力去建立一個美滿的家。」

想四喜臨門

準新郎陳展鵬及後再接受傳媒訪問，他說：「其實都籌備咗一段時間㗎啦，始終屋企人唔方便搭飛機，所以會喺香港結婚，原本諗住11月，但因為工作安排，所以定喺下個月中。」陳展鵬最初希望去外國酒莊搞婚禮，但因為要配合雙方家長，尤其是陳展鵬家人不便搭飛機，最後才改變主意。問到拍拖一年多就結婚，是否太快了？陳展鵬笑說：「都拍咗一段時間，唔快㗎喇。」至於是否雙喜臨門？他避答：「我都想四喜臨門㖭，一次搞掂！

唔心急入紙

雖然是終身大事，但陳展鵬表示不會大排筵席：「只係同屋企人同埋親友食個飯，想低調啲搞，因為要夾埋屋企人同親友啲時間，所以要定實邊日先，好多謝公司畀時間我去影結婚相同籌備婚禮。」《蘋果》記者昨日到過婚姻登記處，並未發現陳展鵬與單文柔的擬結婚通知書，陳展鵬透過短訊回覆表示：「未（入紙），唔急。」
其實日前《蘋果》收到讀者「爆相爆片」直擊陳展鵬與Phoebe蜜遊倫敦，去有百年歷史的Borough Market逛街，兩人還互相餵食。原來這趟英倫之行真正目的，是要影靚靚結婚相。從兩人發佈的婚照，Phoebe穿上一條deep V婚紗裙大晒有料身材，而婚照除了不乏歐陸式建築物及街景外，最特別是兩人於一架寫上「520 Next Station Marry Me」的巴士前留倩影，陳展鵬更單膝跪地向Phoebe送上鮮花，非常浪漫。陳展鵬表示很多衫包括西裝都是在英國才購買，拍照時又很怕被人偷拍放上網，所以拍攝過程感覺很刺激。
採訪：魯吉