在香港做藝人要有高超技巧，好多時候因為個人政見，失去工作機會及發展空間。不過有人卻不諱言，面對極權仍然勇敢講出心聲。

自逆權運動以來，組合Shine的徐天佑不斷在facebook出post，支持敢於抗爭的香港人，亦寫新歌《不只你一個》與年輕人同行。近日有人以天佑在《那夜凌晨，我坐上了旺角開往大埔的紅VAN》中的經典對白「大家不要再欺騙自己說，外面一切都是正常的。」形容香港現狀。

天佑今晚在facebook再次出post會與香港人齊上齊落、不割席。有人留言問：「Shine是否都齊上齊落？」卻爆出天佑驚人留言：「no more shine.」其後天佑再開post：「壞人當道。我係一個好人，如果我瀨嘢，希望你會相信我係一個好人。」又留下一句：「暫別。」對於疑似拆夥，好多人即留言支持撐到底。這次疑似拆夥早有端倪，天佑7月時開post說過：「現在社會，發聲是錯？有好多人因此割席我不管，有『人』同我講『不如你唔好再講嘢啦』，我明白……但可以嗎？低頭嗎？被滅聲的感覺很微妙，亦很壯麗。你看今天的集會舒服嗎？我不會，香港加油！」

《蘋果》晚上聯絡到天佑，他以WhatsApp回覆說：「Sorry，四面受敵。 I can’t say anything。」他又指好大壓力，又說：「一言難盡，估唔到會係咁。」至於Shine經理人錢小姐回覆《蘋果》時否認二人拆夥：「佢哋冇拆夥，感情冇問題，各自拍戲。所以先冇時間一齊工作，如果之後有演唱會，都可以再一齊。」

-----------------------------
【撐學生】
召集有心人 撐學生全年睇《蘋果》
立即按此