港台皇牌節節《城市論壇》主持謝志峰今年十一月退休，今日佢參與好可能係退休前嘅最後一次幕前演出，為港台一個名為「傘開以後」節目，客串一個歌星經理人嘅角色，暫定九月初播出。

城壇九月重開後，會由人稱「蘇B」嘅蘇敬恒接任主持，謝志峰話蘇B做咗近十年傳媒，以柔韌見稱，係合適人選，指蘇B試過採訪期間，遇星島老闆何柱國「開拖」，都識以柔制剛，相信能夠壓得住場，面對維園阿伯發火都唔使驚。下周佢會喺港台為蘇B模擬一次城壇運作，等蘇B熟悉鏡頭走位，更快上手。

謝志峰仲透露，唔少傳媒朋友想搵佢離開港台後開咪，換言之仲有機會同粉絲喺大氣電波相聚。