【咁應該係水兵啦】吳鎮宇做咗胡定欣隻兵 多口撩女仔：你條龍係咩龍呀？

蘋果日報 2018/06/24 18:56

逆流大叔胡定欣龍舟吳鎮宇
    吳鎮宇、胡定欣、胡子彤、黃德斌今日去到中環海濱為香港龍舟嘉年華擔任頒獎嘉賓，順道宣傳電影《逆流大叔》，胡定欣一上台大受現場龍舟健兒歡迎，爭相同佢合照。
    吳鎮宇憶述拍攝電影時要扒龍舟，都有一路扒一路忍唔住撩女仔，仲會問：「姐姐你條龍係咩龍呀？」覺得扒龍舟係一件好開心事，而胡定欣今次首次踏足大銀幕，多謝鎮宇哥邀請，鎮宇聞言即話：「其他人嘅歷史任務都光榮結束，要生仔就生，趁定欣未生就搵佢幫手，搵啲後生襯下又有綽頭。」
    今次喺電影中鎮宇飾演胡定欣嘅兵，即係追求者，台上觀眾聽到即刻起哄。鎮宇話：「成日都做兵，係一種樂趣，我覺得幾好玩。」不過鎮宇呢種類型應該係等女媾？鎮宇話：「o依家養隻寵物都要做兵，要服侍佢啦。」並回想自己做兵時候有啲唔去嘅地方都要去，例如食嘢要陪對方去茶餐廳，冇咗自己主意，唔知點樣形容，總之任勞任怨，好似遊魂咁，不過鎮宇都好醒目，知道勝算十足先會去做兵。
    問到胡定欣你身邊有冇好多兵出現？ 佢話：「咁要有番好似鎮宇哥質素先叫兵，做完舞台劇先算，如果等唔到我就冇資格做兵啦，戲裏面呢隻兵住喺我隔籬屋好近。」定欣即呼籲身邊嘅兵要買飛入場，跟住鎮宇即替定欣出頭話：「咩事呀？買飛當定欣係咩？買飛只係散餐，包場包一世啦。」定欣就剩勢話：「唔好包私人影院，要包就包大場，誠意問題。」
    攝影：卓寶花
    精選娛聞，喺晒《娛果》
    http://fb.com/appledailyent
    empty
    攝影：卓寶花
    empty
    吳鎮宇、胡定欣、胡子彤、黃德斌今日去到中環海濱為香港龍舟嘉年華擔任頒獎嘉賓，順道宣傳電影《逆流大叔》。
    empty
    吳鎮宇一路扒一路撩女仔，仲會問：「姐姐你條龍係咩龍呀？」
    empty
    同時間， 吳鎮宇都係胡定欣隻兵。
    empty
    empty
    吳鎮宇做兵心得係：「一種樂趣，我覺得幾好玩。」
    empty
    胡定欣要求好高，話做佢嘅兵要有吳鎮宇咁嘅質素。