日本國民級組合SMAP已在上月底正式解散，尊尼事務所今日將組合官網關閉，五子向粉絲嘅留言都同告刪除，連同尊尼官網都再見唔到有關SMAP嘅字眼。

木村拓哉單飛發展後，令外界關心其事業會否一落千丈，而木村同太太工藤靜香近期一舉一動都成為網民討論目標。至於木村嘅寶貝女木村心美已經15歲，到今年5月就滿16歲，有傳木村已安排心美到海外留學，就囡囡外型抑或天份都盡得父母真傳，據知已有唔止一間事務所斟心美入行，加上曾有圈中人目擊工藤靜香曾帶住兩個囡囡現身代官山，目測心美擁有八頭身嘅Model級外型，年紀輕輕已被視為最搶手星二代，可惜木村同靜香似乎只希望囡囡專注學業及進修音樂，為心美鋪路做個音樂家。

另一方面，木村主演嘅TBS新劇《A Life~心愛的人~》，每集製作費約670萬港元，可惜第三集收視下跌至13.9%，而電視台最近收到觀眾投訴，直指當中嘅手術場面令人不安。