「港版國安法」兵臨城下，《蘋果日報》在亂世中迎來25周年報慶。壹傳媒集團創辦人黎智英在預祝報慶活動上致辭，指《蘋果》25年以來未曾試過風調雨順，「一係話我哋血腥八卦、一係就俾人封殺廣告、一係俾人攻擊」；如今《國安法》殺到，他笑言「都唔知點樣做喇真係」。

不過黎智英寄語《蘋果》員工繼續堅持，「我只係要求一樣嘢，你哋用返你哋自己對自己嘅責任、對社會嘅責任、對你嘅家庭責任去做呢份工作。」

他又稱，《蘋果》員工要對得住良知及社會責任，「無人會逼你點樣去做，無人會使到你要逼你做烈士，但係你哋攞住你哋嘅良知、攞住對自己嘅良知、攞住對社會嘅良知去做。」

黎智英直言，在《蘋果日報》工作「唔係一件好工作」，不時遭各方阻撓，「好多地方唔開門畀你、唔畀你採訪呀，連去澳門、大陸都有問題呀。」他更笑言：「《蘋果日報》到今日做到咁樣樣，係你哋（員工）『造成』嘅」。

最後他感謝員工謹守崗位，「我都真係非常欣賞你哋做到今時今日，仲繼續喺度做，我只能夠多謝你哋，繼續努力」。

《蘋果日報》本月20日將迎來25周年，黎智英今日傍晚率領壹傳媒集團行政總裁張劍虹、集團營運及財務總裁周達權、《蘋果》副社長陳沛敏及《蘋果》總編輯羅偉光等一眾管理層，在將軍澳蘋果日報大樓主持切燒豬及祝酒儀式，與員工一同預祝報慶。

-----------------------------
反送中一周年，《蘋果》整理大量涉及警察濫暴濫權等資料，製成詳盡資料庫，請按此閱讀圖表版本 ／純文字版本
-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
App內1-Click訂閱《蘋果動新聞》
按此了解更多