關心妍(Jade)是在單親家庭長大的,所以她與母親的感情特別深厚。近期阿Jade雖忙於宣傳新碟,但日前她仍盡廿四孝女兒本份,抽空伴母往金鐘太古廣場歎茶和行街,又買聖誕禮物給媽咪,逗得關媽媽笑逐顏開。
鍾情化妝護膚品
阿Jade和母親當日中午時分在太古廣場的Cova餐廳歎茶,關媽媽保養得很好,身形又苗條,二人面對面撐枱腳近一小時後,阿Jade負責埋單,隨後二人即手挽手步往附近的名店Chanel。
關媽媽和阿Jade在Chanel內逗留約三十分鐘,關媽媽選中一個價值七千五百元的手袋,阿Jade做「老細」畀錢後,二人又走進LV專門店,但沒有收穫。二人最後到西武百貨內的「倩碧」化妝專櫃,買了很多化妝品及護膚品。
事後記者致電阿Jade,她表示已預算了二萬元給媽咪買聖誕禮物,她說:「媽咪養咗我咁多年,我趁今年賺到少少錢,就預咗兩萬蚊畀媽咪買嘢,任佢揀。
媽咪聖誕去舞會
「我都未試過咁大手筆,媽咪揀咗個袋之後重有錢剩,剩低嗰萬幾蚊,我會由得佢自己使,佢除夕會去ball,要成五千幾蚊一位,我會幫佢畀埋錢。」未知關媽媽會否送禮物給女兒?阿Jade說:「佢年年都有送,但阿媽講明佢自己喺聖誕有節目,叫我自己搵定節目喎。」
採訪:朱芷瑩
攝影:何國豪