中國各大城市空氣污染有幾嚴重，就算你未親身感受過，睇電視上網都一定睇過。為咗減輕空氣污染對人嘅傷害，Volvo母公司吉利，決定為旗下汽車加入IAQS空氣過濾系統。以VolvoXC70為例，系統除咗會淨化微粒及吸附污染物之外，仲會睇實進入汽車嘅空氣質素，當發現一氧化碳、二氧化碳含量超標，就會暫時關閉進氣口，用車內空氣再循環，避免你吸入外來污染空氣。估唔到喺中國，連吸一啖清新空氣都變得咁奢侈。