【選最心動日劇男角】《大叔的愛》HeHe情侶上榜 阿牧獲4千多票登頂

蘋果日報 2018/06/06 15:20

林遣都大叔的愛花過天晴田中圭
    大熱日劇《大叔的愛》上周六晚已播出第七集大結局，田中圭飾演戇直男主角春田創一，與同志上司吉田鋼太郎步入教堂後悔婚，最終情歸由林遣都飾演嘅同事兼室友阿牧，唔止創下5.7%收視新高，Twitter貼文數目更超過16萬，大幅拋離《逃跑雖可恥但有用》大結局嘅71,668，以一部深夜劇嚟講數字相當驚人。
    《大叔的愛》掀起熱潮，帶旺劇中幾位主角成為觀眾新寵，除咗擔演「女主角」跑嘅大叔吉田鋼太郎外，更令入行多年嘅田中圭、林遣都在藝能界人氣急升。
    日本Modelpress公佈由讀者選出嘅「18年春季日劇最令人心動男子」排行榜，《大叔的愛》一對同志情侶齊齊上榜，林遣都扮演嘅牧凌太以4,762票登上冠軍，田中圭飾演嘅春田創一則以2,056票排在季軍，亞軍就係尊尼偶像平野紫耀喺《花過天晴 花男Next Season》入面嘅神樂木晴，獲得2,159票，而《花過天晴》內中川大志飾演嘅馳天馬得票1,571佔第四位，第五位就係古川雄輝喺《愛情重跑》中嘅町田翔太，憑1,215票拋離二宮和也、岩田剛典、佐藤勝利及藤岡靛等同季日劇男星。
    精選娛聞，喺晒《娛果》
    http://fb.com/appledailyent
    empty
    BL神劇《大叔的愛》在日本及香港均掀起熱潮，
    empty
    《大叔的愛》一對同志情侶齊齊上榜。
    empty
    林遣都扮演嘅牧凌太以4,762票登上冠軍。
    empty
    田中圭飾演嘅春田創一以2,056票排在季軍。
    empty
    平野紫耀喺《花過天晴》入面嘅神樂木晴，獲得2,159票佔亞軍。
    empty
    《花過天晴》嘅馳天馬（中川大志飾）得票1,571佔第四位。
    empty
    《愛情重跑》中嘅町田翔太（古川雄輝飾）以1,215票得第五位。