黃耀明喺四月一至三日在旺角舉行演唱會，當中會談到亞視，但最近亞視動盪未知生死，今日佢喺商台訪問表不:「佢捱唔捱到Showmustgoon，捱到就得意啲。」呢個騷有個副題叫「聽證會」，明哥笑言似一個死因庭，研究死因。

為配合主題當中會有劇場部份，佢仲邀請亞視前員工擔任嘉賓。對於司榮彬想於亞視最後一日搞有關亞姐嘅節目，明哥笑言:「如果佢搞得掂，嚟我個騷做搞埋直播。」佢翻唱葉振棠歌曲《浴血太平山》，話呢首歌係講及2、30年代嘅香港，但很多人感覺好似講緊香港o依家嘅景況。唱劇集歌可會吸納師奶粉絲?佢笑言:「o依家社會咁撕裂，希望師奶企我嗰邊唔係李偲嫣，歡迎唔同顏色絲帶嘅人嚟。」

不過李偲嫣嬸嬸呢排幾忙下，今日又要開招反擊一班話佢借錢唔還嘅「黨員」，記招準備緊，個背景音樂係張學友嘅《情已逝》....有乜含意o架?