江美儀最近自爆單身，先被指係同吳君祥分手兩年，之後再被吳君祥爸爸夏春秋（冬叔）爆料，指兩人早喺06年喺西雅圖註冊，直到最近先知兩人離婚。

其後冬叔指自己因為言語上誤會「搞錯咗」，但同日江美儀、吳君祥結婚證明曝光，還冬叔清白。而江美儀回覆傳媒時就突然「失憶」，話十幾年前嘅事唔記得咗，可能係醉後做錯事。（新聞連結： http://bit.ly/2pC1uDS ）

今日江美儀上咗大台節目，講番前因後果，佢一開始就講：「我要同咁多人講唔好意思，對唔住，冇諗過大家咁緊張我。」佢話自己係小演員，結婚係唯一可以控制到嘅事，所以兩人決定唔講，佢又話：「我個人好隨心、冇咩計劃，大家都知我係有情緒病，如果我一分手肯定處理唔到，依家過咗兩年，家人接受到，我又可以平靜講，有人問就講。」依家同吳君祥係獨立個體。

訪問入面，江美儀就話冇怪老人家冬叔，佢話：「冬叔就當然『哎呀』覺得好煩囉，我哋冇怪佢，同埋我冇叫佢講乜或者唔好講乜，講咗就講咗。」佢又解釋，同吳君祥拍拖近12年，但兩人依家步行唔一致：「我相信緣份盡咗，大家都係好人，但關係好淡好淡好淡好淡，似朋友多過伴侶，傾過後就分開啦，依家係好朋友。每日有傾電話。」

精選娛聞，喺晒《娛果》
http://fb.com/appledailyent