當年今日
關於我們

【唔知有咩咁勁】巴塞 曼聯1月搶住簽佢!

蘋果日報 2017/09/22 10:23

英超山度士巴塞隆拿曼聯轉會巴西甲組聯賽盧卡斯利馬英國足球歐洲足球

英國《曼徹斯特晚報》報道,曼聯會喺出年1月轉會窗重開之後,同西甲嘅巴塞隆拿拗手瓜,爭取免費簽入巴甲山度士嘅進攻中場盧卡斯利馬。
報道話呢位山度士球星之前拒絕咗同球會續約,由得自己嘅合約去到今年年底就約滿。之前傳巴塞係簽佢嘅大熱,但呢支西甲球隊羅致咗荷西保連奴同埋奧士文尼迪比利之後,就吸引咗其他球會加入戰團。聽講水晶宮同費倫巴治今個夏天都出過價,盧卡斯利馬嘅經理人就透露,除咗巴塞同曼聯之外,國際米蘭同羅馬都吼實喎。
盧卡斯利馬今年27歲,2014年加盟山度士後,至今喺各項賽事上陣192場,入過19球。佢由2015年開始亦都入選巴西國家隊,至今上陣14場,入過兩球。