車路士同領隊干地嘅一季大好姻緣出現裂痕！47歲嘅干地喺處子英超球季就帶領車仔稱霸聯賽，以為仕途順風順水，點知來季明明要力爭衛冕同兼顧歐聯，理應喺今夏轉會窗大展拳腳，到而家仍然食白果，從比高域、蘇蘭基到迪亞高哥斯達（DC）都係離隊新聞多，祖雲達斯總監馬路達周五又證實，收到車仔向巴西左翼衛阿歷士辛度嘅巨額報價，但會方已經拒絕，只係留低一句伏線：「我哋say no，但今時今日球員先係命運嘅主人。」干地又唔使咁快頭耷耷嘅。

不過，英國傳媒就大肆報道，指干地呢邊廂不滿車仔轉會市場顆粒無收，管理層亦質疑干地同經理人有私下接觸收購對象嘅舉動，加上短訊通知棄用DC風波尚未平息，甚至講到干地帥位動搖咁話，信不信由你。