G.E.M.(鄧紫棋)一向都好敢言，之前就發表一篇文章去撐特首，點知畀網民狂轟。

好似上次佢喺香港集思會推出名為「90後有話說…」特集，其中一篇出自佢錄音訪問嘅文章，就表示有時打開報紙，見到有人很激烈地反對某些事，或者從早到晚叫特首下台，佢會覺得：「嘩！使唔使呀？」，更認為不覺得一個特首、或者一個政府可以怎樣幫助市民，又表示:「不要去judge他（梁振英）做得好不好，我真是好想跟他說一聲『加油』，因為這個角色實在很難做。」

當時G.E.M.還表示:「我不覺得一個特首、或者一個政府可以怎樣幫助市民....重點不是要求政府給你多少錢和福利，而是在有多少錢和福利的情況下，適當地調整個人心態。」文章在網上發佈後，隨即被網民狂轟，認為G.E.M.作為公眾人物，有自己嘅政治取向並無問題，但謬論太多。

事後G.E.M.重申唔係分享政治立場或取向，而是「我對我身處這個社會的一種感受。」其後更引用美國前總統甘迺迪的名言「Asknotwhatyourcountrycandoforyou,askwhatyoucandoforyourcountry.」（不要問國家可以為你做甚麼，你應該要問自己可以為國家做甚麼），再引起軒然大波。

好喇，回帶完畢，recall番大家嘅記憶之後，講講噚晚G.E.M.出席「2013年度TVB全球華人新秀歌唱大賽」，點睇今次電視發牌與「一男子」事件。G.E.M.強調佢係支持發牌，仲話：「我係支持發牌，有睇王維基廚師個篇嘢，睇完我都想過去做員工，啲福利好好咁。」