中環在線:吉利與日資公司
合搞「吉利羅佑」好HeHe - 李華華

蘋果日報 2018/04/26 05:20

中環在線改名吉利羅佑

吉利汽車(175)日噚日公佈,會同日本愛信AW訂立合資協議合資公司,原本一單極之普通嘅新聞,點知一出就引起網民激烈討論,無非都係間附屬公司名出事:「吉利羅佑」!

「吉利羅佑」用普通話嚟讀當然無事,但係用廣東話嚟讀,即刻引起唔少男網民臀部「縮一縮」,唔少更高呼「好痛!」公告更加指,會同日本公司愛信AW訂約,雙方同意成立合資公司,主要從事產品製造及銷售。而愛信AW,又名愛信精機。唔少人都話,睇得快少少都臉都紅晒,「兩位CEO好HeHe!」

有網民更加列舉之前「出晒事」嘅名,好似早前鎮科集團(859)擬改名中昌國際、熊貓綠能(686)等等,就算買咗都唔好意思同人講啦。華華就覺得,公司嚟得香港上市,點都要搵番本地人研究吓啲譯名有無問題,唔係出到嚟真係得啖笑!

李華華