【遇上啱嘅人】梁靖琪直認老公改變了自己 因陀B擱置慈善探訪
蘋果日報 2019/08/22 16:13
柬埔寨梁靖琪喜訊施雋賢
- 因陀B願望達成，令10月的探訪計劃有變。
- Toby與老公婚前經常去探訪活動。
- Toby將會聯同多位知名人士進行連串慈善工作。
36歲的梁靖琪（Toby）在今年6月閃嫁施雋賢（Jon），姊弟戀開花結果，剛榮升人妻只有兩個月的Toby，日前更傳出喜訊，她未有否認陀B並大賣關子：「邊個話畀你知㗎？有好消息一定通知你。」Toby婚前與Jon經常以「孖公仔」姿態為國際慈善團體做義工，曾經到柬埔寨探訪曾被賣到妓寨的女孩，本來他們計劃在今年10月再度到柬埔寨進行探訪，不過Toby達成生B願望，所以目前的情況來說，探訪計劃需要廷期：「慶幸身邊好多朋友好有愛，知道當地嘅情況後，會主動提供協助，金錢又好、物資又好，勿以善小而不為。」
提到新婚生活，Toby坦言Jon對自己的影響很大：「佢唔單止係最好嘅丈夫，亦都係我嘅人生導師，佢令我學識咗施比受更有福，記得老公喺婚宴當晚，向親友承諾會愛我一世，嗰陣我就明白，愛是無私奉獻，我哋喺啱嘅時間遇上咗啱嘅人，因為愛過，所以慈悲；因為懂得，所以寬容，未來我哋會共同努力，將最大嘅歡樂同幸福發放出開。」稍後Toby將會與香港女律師協會副會長Sarah、珠寶品牌創辦人及設計師Christine、活動統籌Leanne，為這個國際慈善團體策劃了一連串慈善活動，下月14日將會舉行慈善晚宴打響頭炮，希望令更多人了解當地的情況，協助受害者邁向光明。