再為人母嘅蔡少芬(Ada)，今個月25號再生女，為張家誕下細女張信兒，0依家理應喺屋企專心坐月，不過噚日朝Ada喺微博狂呻，話想出門走走：「原來……我真不是個宅女！只是一個星期……我已經按捺不了想出門走走！…可現在…還有20天要坐月子啊！ps：生不苦、坐月苦！」

到今日，Ada終於如願以償──出門走走了﹗今朝Ada素顏戴帽便服Look出門，其實佢只係去覆診，但總好過安坐家中咁悶，Ada以為遇著難得的一天，點知天公不造美，落勁大雨，當堂令呢位靚媽Ada掃興不已，覆完診只好乖乖返家休息，Ada勁冇癮話：「 今天出門。。。難得的一天。。卻遇上大雨黑天！沒法子了，唯有復（覆）診完就即回家 。」乖啦，坐多幾個星期就「自由」0架喇﹗



「第八屆金話梅電影選舉」又嚟喇。今年除港產片有獎攞，仲增設「最爛合拍片」獎。栢芝憑四套電影入圍「最爛女主角」，應該冇得輸。大家快快投票啦，結果將於4月12日在《蘋果》娛樂版揭曉。
 
公投網址： http://facebook.com/AppleDailyGoldenPlum