韓片《下女誘罪》女星金敏喜去年被爆同已婚導演洪尚秀發展不倫戀，洪尚秀更為咗金敏喜同元配離婚。金敏喜雖然形象跌至谷底，但繼續愛情至上，佢早前更憑愛郎執導嘅《獨自一人在夜晚的海邊》封柏林影后，揚名國際。

而呢部電影將於下周喺韓國上映，今日二人就結伴現身媒體試映會，今次亦都係爆出不倫戀後，兩人首度喺韓國公開露面，據知事前二人已表明唔會限制記者嘅提問。

喺記者會現場，兩人亦大方合照，洪尚秀亦用手輕輕伴住金敏喜上台，甚具紳士風度。對於兩人嘅關係，金敏喜首度認戀洪尚秀，並話：「我同導演係真心相愛，現在正在一起。」洪尚秀稱：「一開始因為係私人問題，一直沒有公開，之後亦因為太多報道，好似大家都知咁，所以覺得冇發言嘅必要。事實上相關報道令我覺得好不便，但始終因為電影而要韓國媒體前亮相，所以藉以此公開。(不倫戀)係我個人嘅事，亦係我要負責任嘅部分，只希望大家集中返電影。」

《蘋果》第十二屆金話梅電影選舉（Golden Plum）又嚟喇!由今日起，請在以下網址（ http://campaign.appledaily.com/goldenplum2017 ）投票，選出心目中的爛片之霸，截止日期係4月6日，賽果將於香港電影金像獎舉行前夕（4月8日）揭曉。