澳門賽狗場的格力狗命運難料，今年1月逸園賽狗公司執行董事梁安琪曾公開表示，有關狗場劏狗、獸醫食狗的謠言，是對狗場的抹黑，當時強調狗會暫未有新的狗隻安置方案，而狗會內的狗均有主人，若有狗主不續養狗隻，「我梁安琪全部養哂」。梁安琪當時強調，現時已無進口格力犬，如果她提出，其朋友「一人一隻狗都搶住領養」。

對於有逾600隻格力犬有待領養，不少澳門人關注四太梁安琪會否「走數」，在網上留言，指梁安琪曾公開表示「幾百隻狗佢養得起」，希望安琪姐關心狗隻福利，亦有人指既然四太表明會收養，自然不需政府介入，大可「全部送去四太屋企，佢答應過呀！」

根據狗會2015年統計，每月約有200隻格力狗受傷或生病，澳門愛護動物協會（ANIMA）推算每年至少360隻狗被人道毀滅。協會早於2012年已爭取狗會成立妥善的退役格力犬領養制度及取締賽狗活動，但未能落實，有指協會已聯繫世界各地約60個動物保護團體，為600多隻格力犬尋找領養人，但領養及審批程序需時，最終未知有多少狗隻會被領養。