鍾欣潼(阿嬌)同台灣「醫界王陽明」賴弘國5月喺美國舉行浪漫婚禮，但明日至正式喺香港註冊結婚，而且只係請咗30多位至親好友見證，大後日就會喺尖沙嘴舉行婚宴。

結婚前夕，阿嬌推出全新國語EP《聽說的幸福》，同大家分享佢嘅幸福歷程，專輯係公司送畀阿嬌嘅新婚禮物，同名歌曲《聽說的幸福》由內地創作歌手汪蘇瀧為阿嬌度身訂造嘅歌曲，亦成為阿嬌嘅結婚禮物。

另一首《幸福出發》就係阿嬌宣佈結婚後嘅作品，這首歌代表阿嬌對踏入婚姻之後新生活嘅嚮往同決心。即使預計婚後生活會有好多酸甜苦辣，但都唔會阻擋佢哋向幸福出發嘅決心。而內地劇《動物系戀人啊》片尾曲《你不會懂》，劇集喺台灣拍攝時，阿嬌因為呢部劇認識未婚夫賴弘國。

精選娛聞，喺晒《娛果》
http://fb.com/appledailyent