港珠澳大橋通車儀式下星期二（23日）喺珠海舉行，其實早於9月底已經開始有三地聯合試運，用嚟測試各口岸嘅運作係咪暢順，由私家車、直通巴、警車甚至消防車都一一試行過。不過你又估唔估到，連飛機都嚟湊熱鬧？唔通係測試條橋嘅承重能力？定諗住當跑道用嚟起飛？

其實是咁的，《蘋果》攝記噚日去到大橋附近，諗住影吓通車儀式前嘅大橋情況，不過就影到呢一幕「奇景」，由於大橋旁邊就係機場跑道，就一就角度就影到呢張靚相喇。