人氣韓劇《鬼怪》的李棟旭、劉仁娜再度合作，兩人主演的tvN新劇《觸及真心》將於下周三播出，李棟旭及劉仁娜今日合體出席發佈會，依然相當有默契。劉仁娜今日穿上黑色連身短裙晒腿示人，李棟旭驚着上高踭鞋的劉仁娜不方便，就貼心讓劉仁娜捉着他上樓梯，劉仁娜隨即蹺着李棟旭派心合照。

繼《鬼怪》後相隔兩年再合作，李棟旭表示：「因為一齊拍過《鬼怪》，已經知道對方喺片場係咩類型，所以唔需要再花時間去了解，拍攝時好舒服，亦好合拍，我亦相信無論我點樣演出，佢都會接到。」李棟旭強調《鬼怪》是他很珍貴的回憶，但是次角色與《鬼怪》的角色有很大分別，會展示新面貌給觀眾。

劉仁娜首先感謝劇迷的喜愛，亦坦言對新作一度感到憂慮，不過因角色與前作完全不同，所以亦不擔心劇迷會將新作與《鬼怪》作出比較，她又大讚拍檔李棟旭：「因為oppa喺現場幫咗好多忙，所以好多人都好依賴佢，有李棟旭喺現場，一切都輕鬆地進行，好感謝佢。」

精選韓流，喺晒《娛果》
http://fb.com/appledailyent

每晚送5萬！星期一至五晚上10點半
《動腦Q》Let's Q the money！
http://bit.ly/2QW8LcI