上屆政府由「梁粉」主導嘅中央政策組，喺林鄭月娥上任特首後隨即被改組為「政策創新與統籌辦事處」，早前仲登廣告招聘高級政策及項目統籌主任同政策及項目統籌主任，月薪3萬至最高9.5萬港元，話想吸納年輕人才，將年輕人聲音帶入政府。

似乎呢個計劃都幾受年輕人歡迎，政務司司長張建宗今日出席活動後透露，當局至今已經收到逾2200個申請，會盡快完成遴選。至於政府早前推出嘅青年委員自薦試行計劃呢，據知同樣反應熱烈，一共收到逾1170個申請，而喺五個可自薦諮詢委員會中，以青年發展委員會最受歡迎，收到超過530名青年報名申請。

當局喺過年後就會成立表年發展委員會，即將擔任此委員會主席嘅張建宗話，希望可以喺明年第一季度完成遴選。