當年今日
關於我們

【係尷尬啲…】為另一半cut咀戲 梁奕藍蘇慧恩等加場再諗

蘋果日報 2019/06/03 16:30

梁皓婷蘇慧恩梁奕藍裝甲音樂劇伊拉克慧藍的告白黃淑瑩

蘇慧恩、梁奕藍、梁皓婷和黃淑瑩今日在北角為音樂劇《慧藍的告白》拍攝宣傳照,他們透露該音樂劇將於8月假九展公演一場,梁奕藍說:「我哋好期待可以喺麥花臣加場,因為人多啲。」由於今次是慈善音樂劇的關係,所以他們會象徵式收取車馬費,扣除製作費後,收益將會撥捐受惠機構。
梁奕藍指今次與蘇慧恩飾演情侶,劇情講述他被派去伊拉克做戰地記者,感情之間就出現了矛盾和拉扯,蘇慧恩說:「喺劇中,我哋真係鬧咗好多交,其實劇本一開始,我哋要kiss,但因為佢(梁奕藍)有家室,我自己有男朋友,於是就同導演講呢幕一定要cut。」梁奕藍表示:「好尷尬㗎嘛,佢同我老婆、仔好friend,我同佢男朋友又好friend,所以而家變咗一個溫馨嘅擁抱。」
會否擔心被指不專業?蘇慧恩坦言擔心大家的另一半生氣,梁奕藍說:「如果大家真係咁想睇,大家就畀多啲支持,然後就加場,如果得400幾人睇我哋kiss呢一幕就太少喇,如果喺麥花臣場館加場,有1,300人睇嘅話,咁我哋就可以,到時我就着定裝甲,咁就唔怕佢男朋友,我怕唔夠佢打。」
--------------------------------
【六四30】守住歷史 拒絕遺忘
https://hk.adai.ly/zdzKtt2RiW
--------------------------------
【記住63836568】全民爆相爆片!下一個爆料王就係你
https://bit.ly/2Guolu9
empty
左起:黃淑瑩、梁皓婷、梁奕藍和蘇慧恩今日為音樂劇《慧藍的告白》拍宣傳照,他們希望可以加場演出。