【防疫】湯洛雯同妹妹分廁所用 張曦雯同男友喺屋企都用FaceTime
蘋果日報 2020/03/31 20:17
吳若希湯洛雯張曦雯
（攝影：黃曉妍）
張曦雯、湯洛雯、吳若希和戴祖儀今日在中環出席一間電訊商旗艦店參與發佈會，蘇可欣則擔任司儀。活動中，她們雖然每人一枝咪，但就未有戴口罩，而且站得相當近，似乎不太注意衛生防疫意識。
其實為了防止疫情蔓延，政府於周日實施禁止公眾地方進行多於四人的群組聚集，為期14天。今日參與發佈會的傳媒，每個人入場前要量度體溫、用搓手液消毒、更換全新口罩、填寫健康申報表，以及限制每間傳媒採訪人數，而就現場所見，已有30幾人在場內。大會發言人表示為了這個內部工作會議，旗艦店已於昨日起停業3天，不對外開放，加上現場已做足防護消毒措施。
受訪時，她們才戴上口罩，張曦雯表示每天要拍劇，已經習慣了，加上對住藝人會很放心，最重要是互相信任。湯洛雯則稱經常會消毒雙手，收工就回家，就算在家中都會自我隔離：「本身我同妹妹用同一個厠所，我而家就叫佢用媽咪嘅厠所，感覺上會安全啲。」至於張曦雯亦透露同居男友自我隔離：「因為佢去做健身嘅地方有兩個人確診，為咗安全，佢自己都隔離咗14日，我哋就算喺屋企都FaceTime，佢自己一個睡房同厠所，食飯就遞個飯盒畀佢，佢個窗口喺露台嗰度，我就行出去喺玻璃度同佢say hi，如果要傾偈就開少少窗就聽到佢把聲，所以我反而驚自己會傳染到佢。」張曦雯更指居於美國的父母，現時都不敢外出，物資方面短缺，需要她由香港寄去美國給父母。提到當地排華，她說：「美國係可以擁有槍械，佢哋都驚當經濟唔好，會有搶掠，所以佢哋開嘅舖頭都閂咗兩、三個星期，日日留喺屋企我都好擔心佢哋。」
至於吳若希表示因為是工作關係，有收酬勞，所以是可以超過4個人，加上大會安排妥當。對於好友胡鴻鈞被傳與蔡思貝拍拖，因而令到與許廷鏗「兄弟情」決裂，就算有飯局都「有你冇我」，吳若希說：「係咩？點解我唔知嘅？我諗我同佢哋唔係好friend。」會否為他們做和事佬？吳若希表示：「首先我要了解咗佢哋為咩事而分開先，作為朋友，如果朋友搵到幸福，我會戥佢好開心，傳聞唔知真假，大家都求證唔到，一路估都冇意思。」
採訪、攝影：黃曉妍
未有戴口罩，而且站得相當近，似乎不太注意衛生防疫意識。
湯洛雯則稱經常會消毒雙手，收工就回家
吳若希表示因為是工作關係，有收酬勞，所以是可以超過4個人