日前林作在fb出post，質疑「欄后」呂麗瑤聲稱十多年前曾遭性侵是有舖排，又調侃謂：「佢篇嘢成篇係雕琢而成嘅商業文案，你幾時有泡眼淚蘊藏住，幾時要你滴都計到呀。」（新聞連結：　 http://bit.ly/2nqer5g ）

今日林作又在facebook出post，他先貼出一名網民對佢說的話，內容主要是問林作：「為何要將商業原素（元素）或跟風,博宣傅等强加给别人.其實想出名被關注和想用自己的名氣去幫助别人是有分别的.我願意相信她是後者.我也希望你也多點能做到後者。」

然後林作回應網民：「陳小姐，我支持大家走出來。但不同意借助呢種事出黎別有動機。我並唔係扭曲事實，而係作出我自己觀察事態嘅判斷 - 確實係有疑點。無論如何，香港近年法治意識越來越越薄弱，十分危險，希望你能以大局為重，明白只有法庭先可以審判。更加多嘅案件應該被帶至庭上見分曉，而唔係你話對方有罪就算。我唔係唔同情受傷害嘅女性。我願意同你分享，我自己媽媽都係過受害者，而我呢世人最重要嘅人，就係媽媽。佢最近都有分享過佢嘅經歷，我實在十分明白嗰種痛苦。我十分願意幫助有需要嘅受害人。或許我應該更公開地作出表示。我做過一段時間嘅大律師，自己也接觸過幾宗非禮案。我十分願意私下就個別案例分享自己見解。」

蘋果問到林作媽媽也是受害者的事，她指：「今日同阿仔食飯，講開呢件事，呢啲唔係博新聞，兩年前都有同麥明詩講過呢個話題，我當時仲勸麥明詩唔好講，因為會令嗰個人冇咗份工。」

說到當年的事件經過，林媽媽謂：「當年我都未生林作，同其他人一齊出差，同事住隔籬房，有道門連住兩間房，細個唔識冇鎖門，對方就入咗嚟我間房，我當然話唔可以，我返到公司就向老總投訴，最後嗰位同事就被炒咗，之後公司仲話以後唔可以一男一女出差，我個心都有啲難受，搞到人冇咗份工，所以我都係勸麥明詩唔好公開。」

最後問到林媽媽有沒有替麥明詩不值，因為被指博出位甚至將事件誇大，林媽媽指：「唔係，其實之前佢都有同我講過，我都有講返自己嘅經歷，佢唔會用啲嚟搞新聞。」而林作就回覆《蘋果》話：「呢個媽媽嘅分享，年幾兩年前佢有同我講過，最近佢睇到啲新聞，就同我好詳細咁講件事，我好驕傲佢即刻站出嚟，我覺得係一個好啱嘅做法。」