綜藝の鬼丨26歲Mike導屋邨仔捱5年PA升上高級導演 無綫曾招手:唔考慮
ERROR自肥企画格仔導演Mike劉諾衡
「格仔導演」Mike(劉諾衡)26歲便闖出名堂,短短5年,由製作組最低層的PA(助導)做起。《ERROR自肥企画》剛播畢,訪問當日Mike更帶來好消息,原來幾日前晉升為ViuTV導演三級編制中最高階的Senior Producer。人工三級跳?他苦笑說:「絕對唔係,好冇誠意嘅加幅,哈。但我睇法係,唔講其他電視台,因為未做過,而家我做呢間(公司)真正有心做嘅人,唔係為咗錢,我係其中一個,大家都追尋緊一啲嘢。」
既是人才,當然有人爭。還記得兩個月前,TVB大股東黎瑞剛批評自家節目老化等五大問題,《蘋果》收到風,原來大台曾經向Mike導招手,當時《美女郊遊遊》剛播出,亦是話題之作。對於傳聞,Mike導沒有否認,只說:「都唔考慮。」
不為錢,並不代表好有錢。曾有網民估計Mike導是「美國出世」、 「擁有美國籍」、「美國留學」,皆因在《大海男兒》和《ERROR自肥企画》的比賽中,他每次都標示自己是美國選手,而Agent L.則是澳洲選手,碰巧Agent L.確實曾在澳洲讀書,令人有無限遐想。太易估到就不會有「遊‧詐‧詭大成功」的牌仔,原來Mike是一位出身草根階層的「屋邨仔」,他說:「其實我都係公屋長大,依家都係住公屋,我會形容自己係比較貼地嘅一班人。」
Mike導中學畢業卻未能晉升大學,跑去報讀多媒體創作高級文憑,是他首次接觸幕後工作,「開始時好濫,乜都教,拍片、整圖、後期製作乜都學,啱啱接觸拍片,覺得幾好玩幾有趣。」不怕辛苦,希望學以致用,曾freelance做過節目助理,在微電影、港台劇幫手攝影、打燈,當年還不到20歲。
Mike夢想做生態攝影師,誤入ViuTV後拍過好多真人騷作品,包括《美女郊遊遊》,大影特影香港風景。(節目截圖)
曾志偉返歸之前,原來TVB曾向Mike招手,不過被Mike拒絕。(資料圖片)
不過,Mike導的夢想其實是當生態攝影師,熱愛大自然。中學時期,Mike最愛看動物紀錄片,讀完高級文憑後開始尋夢,見海洋公園聘請水族館實習生,便立即寄CV,「嗰時我已有潛水牌,諗住嗰度做有助我達成夢想,但嗰份工完全冇回音。」Mike以為是經驗不足,結果去做獸醫診所助護,負責執屎,做了3個月心想「唔對路」便辭職。
後來,終於等到National Geographic頻道聘請節目助理,但入職條件寫明要大學學位,Mike導二話不說就報讀digital media Top-up Degree,性質比較接近廣告製作。由於計劃半工讀,在求職欄中找了一份以為「好hea」的工作——NowTV PA(助理編導)。「嗰時心諗Now邊有作品,仲唔係最好嘅踏腳石?可以輕輕鬆鬆有份工跟住去讀書。」當時香港電視圈仍然一台獨大,Mike以為自己奸計得逞,其實當時ViuTV剛開台,入職第二日被調組至真人騷《慳D啦Honey》,他首個任務是要到一間女性內衣店張羅拍攝道具,「真係乜都做,估唔到咁忙,令原本讀年半嘅學位,defer咗兩年,因為兼顧唔到。我真係目標為本咁去讀書,結果係third hon(三級榮譽)畢業,最廢嗰個,叫攞咗個證書。」
最初加入NowTV以為會好得閒,可以半工讀完成Top-up Degree,最終學業defer兩年先畢業。
入職做PA,5年後升至Senior Producer,是導演三級編制中的最高階。
雖然《大海男兒》及《ERROR自肥企画》中都以美國選手標記自己,不過Mike其實是草根屋邨仔。(節目截圖)
做製作部最低層的PA,一定吃盡苦頭,但做人唔好怕蝕底,最後可能自己都有得着,《晚吹:真PK》便是影響Mike導一生的節目。「《ERROR遊1》都係挑戰觀眾底線,好多靈感嚟自《真PK》。我嗰陣仲做PA,每次導演監製諗到新懲罰,就要搵人試,唔試點說服人玩?話就話猜,但其實都係最低層嗰個試。」
其中一集要將曱甴放入幾個樽裏面,但平時用開的鉗忽然不見了,Mike導只好將活生生的曱甴徒手放入樽,「其實我好驚曱甴,花姐突然衝出嚟問準備好未,喺後面不斷鬧,我就不斷徒手放入樽。本身係買杜比亞曱甴,捉捉吓見到屋企常見嘅曱甴,恐怖好多,但拍完之後,發現又唔係太驚。呢件事令我明白到,原來適當嘅壓力之下,你係做得到!」
當晉升做導演之後,他對真人騷有另一番見解:「當大家喺我嘅節目見到黐線懲罰,或者唔合理挑戰,其實就係因為我經歷過呢樣嘢,主持又可以攞到個成長畀觀眾睇。」但試煉也有失手的時候,Mike導曾將wasabi粉末濕水後變成一個球,咬了一口,舌頭一部份的味覺消失了一整天,「係我經歷最驚一次,擔心成世都係咁,好彩最後味覺出番嚟。」
訪問中,Mike不止一次提到自己沒有內涵,靠的只是小聰明,由於剪接夠異類而獲得花姐賞識,所以晉升速度比別人快。「我唔會形容自己係聰明同有才華,我係唔認同,只係有小聰明同成日走精面。入ViuTV,原本係諗住邊做邊apply嗰份工,但結果做吓做吓,咁就5年。」如果現在獲National Geographic聘用又如何?他思前想後說:「呢個問題好難答。」
青澀的Mike中學之後讀過多媒體創作高級文憑,曾做過節目助理,亦有為微電影、港台劇等幫手。(受訪者提供圖片)
在《真PK》做PA仔,有次因為流程太趕,要徒手捉杜比亞曱甴入樽(聲稱乾淨),之後改變了Mike對真人騷的睇法。(節目截圖)
「奴役價無下限 貼錢打工想喊」,現時終於升職加人工,但Mike卻苦笑。(《ERROR自肥企画》節目截圖)
-----------------------------