顏卓靈同金培達今日喺商台宣傳新歌《沒有人是孤島》，首歌其實係電影《大樂師．為愛配樂》入面鄭中基首歌嘅廣東版，顏卓靈解釋：「戲入裡鄭中基有燥狂，首歌係講情緒低落時，可能你覺得有錯，但係我或者身邊有人喺度，有人陪你、好愛你。」呢首歌最終搵咗《狂舞派》導演黃修平填詞。

提到電影《大樂師．為愛配樂》，顏卓靈好肉緊咁呼籲大家入場支持：「第一個星期票房唔得，因為場次唔多，所以我直接同導演講要做啲嘢。我自己化妝整頭搭地鐵去謝票都得，大家都好有心，我唔想嘥咗台前幕後嘅心血。」

顏卓靈又話原本喺大馬拍緊戲，因為票房告急，專程請假回港謝票：「o依家爭取多番啲場次，之前係得1場，o依家啲院商都俾我哋感動到，每日有5、6場。」顏卓靈每日上網睇吓有冇人買飛，笑言好似睇股票咁。