梁詠琪（GiGi）和楊采妮（Charlie）昨日以大使的身份到金鐘出席「CircleofBreastFriends」成立典禮，兩人均稱身邊朋友曾有患乳癌的經歷，所以她們會定期作婦科檢查。
GiGi透露近日不時四圍飛，所以有少少感冒，身形更越來越纖瘦，她表示前日早上出席完步行活動後，即趕赴廣州擔任成龍演唱會的表演嘉賓，她說：「去廣州係即日來回，所以返到屋企都散晒。自己有做開婦科檢查，但係全身檢查就已經5年冇做，所以都要提醒自己再做。其實有事時一定要保持心境開朗，我就唔會喊，反而會冲凉同寫歌，希望憑歌寄意囉。」