韓國tvN人氣劇《請回答吧1988》已播到第8集，呢部劇集喺韓國方面好受歡迎，以收費台劇集嚟講，收視真係爆晒燈，不過劇組噚日就話為咗遷就劇集嘅進度，所以決定明年嘅1月1號同2號播出嘅第17及第18集就會停播，並會順延至1月7號及8號播出。

由於《請回答1988》收視成績好好，佢突然停播，估計唔少追看劇集嘅觀眾都會好失望，而暫時電視台方面就未確定搵邊個節目代替。