【成身行頭過百萬】麥美恩生日慶祝緋聞一周年 暗示想收巨鑽
生日許文軒麥美恩
麥美恩今日喺灣仔會展珠寶展活動擔任司儀,身上配戴超過一百萬港元鑽飾,佢話之前都有試過戴咁名貴鑽飾,自己好想擁有一套,但現實中未遇到咁闊綽男士,叫大家幫佢暗示下,仲話:「好少收鑽飾,反而小禮物多,不過鑽石對於女士嚟講真係冇得輸。」
噚日28號係麥美恩31歲生日,問到佢有男朋友未?佢話:「舊年生日我同一班公司同事慶祝,之後同許文軒傳緋聞,前日我哋又一大班同事食飯,許文軒同我爸爸媽媽都在場,我哋仲話慶祝緋聞一周年。」麥美恩否認此舉係見家長,仲話許文軒並非男友,麥美恩話:「媽咪雖然冇催拍拖結婚,不過就有同我分析都係時候需要一個人照顧,要搵個伴侶錫自己。」
精選娛聞,喺晒《娛果》
http://fb.com/appledailyent
麥美恩為珠寶展活動擔任司儀,配戴超過一百萬港元鑽飾。
噚日係麥美恩生日,成班同事、爸爸媽媽同緋聞男友許文軒一齊慶祝,但合照呢…未見有。(ig圖片)