阿邦爸爸蕭冠豪講到囝囝蕭潤邦時，話他自小都是百厭星一名，被學校要求見家長已是家常便飯，他說：「最記得一次係中學時，佢幫細佬出頭，跟住俾人屈佢係黑社會，踢同學入會。」學校最後報警處理，最後證實阿邦是無辜，屈人者本身才是黑社會。蕭爸爸笑言阿邦只限百厭，不是壞，跟不少男孩一樣。

原來阿邦的友人同時亦是蕭爸爸的朋友，還經常相約一起踢波，蕭爸爸說：「佢都會介紹朋友我識，仲會問我『老竇去唔去踢波』，約埋一齊去。佢哋25、26歲時識，而家都仲有約佢哋。」講到當年阿邦加入二人組合Bliss成為歌手後，當時反應很平靜：「嗰時反應係okay同支持，會同佢講你去邊度（表演）講聲，有時間咪同埋媽咪去捧下場，有朋友咪叫埋一齊去捧場。」

至於有否在親友面前炫耀有個歌星兒子時，身旁的阿邦即搶答說：「炫耀唔到，啲人都唔識，驚講咗仲尷尬，乜水嚟？」蕭爸爸雖然輕描淡寫，但阿邦透露父母場場都出現，有時表演場地只有家人在欣賞。蕭爸爸記憶中阿邦只在婆婆及公公離世時才喊過，今次算是較少一次落淚，阿邦還死撐說：「我流汗之嘛，邊係喊。有一次真係喊，我表演舞台劇，排咗個幾月，謝幕時已經感動，仲見到阿爸喺度，因為佢入咗院做手術，諗住佢未必趕到出嚟，所以好感動喊咗。」　

採訪：何永寧
攝影：陳俊強
攝錄：廖達燊
場地提供：堅信號上海生煎皇

【新聞有價】6月17日起 繼續撐蘋果
http://bit.ly/2IJ24ZR
--------------------------------
【記住63836568】全民爆相爆片！下一個爆料王就係你
https://bit.ly/2Guolu9