【小骨女疑厭食】桐谷美玲激瘦皮包骨 病態現身要事務所解畫
厭食症激瘦桐谷美玲
隨住堀北真希今年初宣佈告別演藝界,令同門師妹桐谷美玲成為公司Sweet Power嘅王牌女星,搞到27歲嘅佢自然壓力大增,日前出席活動時明顯前再顯激瘦,連日來引起網民熱烈討論。
桐谷美玲於下星期六就滿28歲,當堀北真希同事務所鬧不和兼離巢,另一師姐黑木美沙又為丈夫赤西仁誕下一子一女,Sweet Power惟有集中火力捧紅桐谷美玲,近年桐谷嘅工作越來越,令休息時間自然減少。日前桐谷現身品牌BVLGARI嘅東京活動時,佢穿上紅裙現身卻露出排骨身形,唔止身無半両肉,其手臂更係幼得十分嚇人,令人擔心小骨女桐谷健康正響起警號,更有網民懷疑佢患上厭食症。
對於引起外界關注,《週刊新潮》已向Sweet Power方面查詢,發言人回應指桐谷並非厭食,強調一日食足三餐,並非健康出現問題及與工作過量無關。
更多娛聞,喺晒《娛果》
http://fb.com/appledailyent
事務所Sweet Power回應指桐谷健康冇問題,仲強調佢一日食足三餐。