23歲嘅「雞排妹」鄭家純，一向性感冇極限，去年就出咗一本寫真集《純》，嚟香港書展宣傳時，仲吸引大批宅男去排隊攞簽名，務求能親眼目睹雞排妹嘅真身。

近日唔知係咪雞排妹少咗喺螢光幕前亮相，喺網上就瘋傳咗一張疑似佢嘅活動時不慎露點走光相，引發好多網民討論，而佢哋討論嘅熱點，竟然係研究雞排妹的乳暈顏色，搞到雞排妹嬲嬲豬，噚晚佢就喺fb到留言，高呼：「我的乳暈是粉紅色」。

雞排妹噚晚深夜喺fb留言：「為什麼要研究三年前的胸墊，和五年前的肚臍啦！我的乳暈是粉紅色，那是衣服邊邊的陰影，謝謝。」唔單只咁，佢仲提到，自己o依家嘅副乳同肚子，經過時間、運動和花錢保養，已經離世俗美感近了很多，最後佢甚至分享咗佢點樣保養乳暈嘅方法㖭！有女性網民見到都留言向佢請教，雞排妹亦好樂意同網民互動，解答佢哋嘅問題。當然亦有口多嘅網民留言話：「冇圖冇真相」，當然呢啲真相，雞排妹就冇去理會啦！

更多娛聞，喺晒《娛果》
http://fb.com/appledailyent