上海浦東機場T2航站國際線疑似發生爆炸,有指有人向位於泰國航空及菲律賓航空登機櫃枱擲汽油彈,引致有人受傷。適逢上海電影節正在舉行,有不少圈中人士會經浦東機場到達或達開上海。
據知,有份出席電影節的寰亞老闆林建岳今早已離開上海,未受事件影響,而宣傳電影《驚心破》嘅劉青雲,則準備今晚離開,未知會否受影響。台灣男星王大陛表示經陸路到橫店工作,未受事件影響。
而周潤發噚晚同郭富城、梁家輝喺上海席上海電影節行完紅地毯,原定今日飛返香港,但浦東機場大混亂,所有班機都大延誤,林建岳坐私人飛機,一樣要遲4小時。
發哥本來中午12點班機,但一路延誤,所以發哥一直留在酒店未有動身去機場,後來發哥決定改聽日先走,發嫂話:「之前我同發哥喺北京經歷過一次班機大延誤,足足用咗10粒鐘先返到香港,所以今朝知道班班機都delay晒,我同發哥商量過都係改聽日走好過,諗唔到今日蒲東機場仲有爆炸發生,仲有人受傷,真係嚇親,決定改期走,真係冇做錯決定。」