阿星一夜發達，原本計劃今年11月結婚的印尼籍未婚妻AnikSetyorini最擔心阿星變心。「噚晚到家我問佢好多次呀，『家你好有錢、好出名嘅人，會唔會忘記我、丟低我，搵新女朋友？』佢發誓：『我唔會，我係鍾意你一個，我係應承同你結婚。』」只是Anik還未放下心頭大石。

來港工作七年的Anik現時在將軍澳新都城當家庭傭工，前晚她接到阿星同鄉的電話，表示阿星中了六合彩頭獎，當時她以為「俾人整蠱」，不敢相信，她多次致電男友終於證實事件，「真係開心到我喊起嚟，成個人郁唔到」。當晚Anik無法入睡，終於忍不住向僱主說出真相，並立即趕往男友家中。
兩人2007年開始拍拖，阿星已變大富翁，會不會擔心他變心？Anik說：「梗係驚啦！不過佢有講過畀一筆錢我，佢話畀幾多就唔話畀你知，surprise喎，會入落我印尼戶口。」阿星表示會在印度舉行婚禮。Anik說：「以前同鄉都勸我唔好同巴基斯坦人或印度人拍拖，話佢哋都係騙子。」至於對阿星有沒有信心，她說：「唔知呀！」
《蘋果》記者