當年今日
關於我們

莫文蔚開騷睡袍登場邊唱邊除 騷招牌長腿瞓地扭籮跳熱舞

蘋果日報 2021/06/12 16:04

莫文蔚演唱會

出道25年的莫文蔚(Karen)今晚在紅館舉行一連三場《絕色莫文蔚世界巡迴演唱會》,今次除了是這次巡迴演唱會的尾站外,亦是Karen最後一次舉行大型巡迴演唱會,不少藝人如劉德華、張學友、郭富城、梁朝偉、劉嘉玲、張栢芝、鄭伊健、陳慧琳、黎姿、古巨基及成龍等亦送上花籃,而黃耀明、麥浚龍、陳柏宇、草蜢、何超儀夫婦及劉天蘭等亦有前來捧場,至於莫文蔚媽媽莫何敏儀、哥哥莫理斯及Karen老公Johannes則被安排坐頭排支持。
演唱會在晚上8點36分開騷,Karen以閃閃睡袍、包頭巾及踢拖現身,唱出《婦女新知》、《婦女新知2021》為個唱揭開序幕,而她邊唱邊脫走睡袍及頭巾,最後剩下內裏的銀色短裙,騷出長腿的Karen之後又在台上與女dancers一起扭籮、瞓地跳舞之餘,又與男dancers攬攬扮談情。至於台上的巨型LED隨後則播出Karen主持版的《婦女新姿》,而片段中更有Karen教跳健康舞。

經典瞓梳化pose再現

之後着上肉色閃閃裙的Karen以唱片封面《全身莫文蔚》的經典瞓梳化pose出場,然後全程瞓在梳化上唱出《色情男女》,唱完後,她又穿上薄袍挨在紅色跑車旁唱《冷雨》。跟上次相隔16年後再在紅館開騷的Karen之後興奮地說:「我返咗嚟啦!等咗好耐,好耐。上次紅館自己開個唱都係2005年,係16年前,你哋當年邊個有嚟?有啲讀書嘅時候已經認識,有啲仲生埋仔,多謝大家,好開心開到騷,真係唔簡單,呢年幾都要抗疫,好多騷都開唔到,好開心、好榮幸開到,多謝你哋嚟,山頂嘅朋友你哋好!點都要嗌呢句。」由於今次是Karen最後一次舉行個人大型演唱會,故她亦特別珍惜這次機會:「我踏上舞台已經同自己講,無論有一萬個定係一個觀眾,都要全力以赴演出,就算得唔5成、7成觀眾,我都會用3、5、10倍力去唱。」
一向擅長彈古箏的Karen在演唱會上亦有露一手,邊彈邊唱出盧冠廷的《一生最愛》。除此之外,她亦與男dancer表演跳拉丁舞。到了唱《幻聽》時,以全紅女皇Look登場的她,戴上金色面具,坐在大紅花轎上被抬出場,有出嫁feel之餘亦帶點詭異。
到Encore時,Karen站在網球球證凳上唱《呼吸有害》,莫文蔚指《呼吸有害》得到樂壇大滿貫,故特別將裙尾設計成球網,更自諭是「網球女神look」。之後到嘉賓張敬軒出場,與Karen合唱《只怕不再遇上》及《心仍是冷》等歌曲,軒仔表示由滾石時已經是Karen的超級fans,Karen聽後即說:「好開心同張敬軒可以合唱,因為佢唱乜都得,所以唔唱佢嘅歌,唱我熟嘅歌。」而Karen又解釋選唱《只怕不再遇上》,是因為1996年張國榮邀請她到紅館合唱這首歌:「哥哥演唱會請咗我同佢唱《只怕不再遇上》,好榮幸同佢唱咗廿幾晚。」
至於大讚Karen身材好的軒仔,獲邀幫Karen除咗件網衫,張敬軒笑言:「我冇幾可除人衫,唔記得啲拉鏈喺邊。」軒仔幫Karen除衫時讚Karen好香之餘又同Karen台下老公say sorry,張敬軒說:「我好雞手鴨腳,我驚除錯扣。」非常搞笑。
empty
莫文蔚今晚在紅館舉行一連三場的《絕色莫文蔚世界巡迴演唱會​》。
empty
莫文蔚以睡袍登場後邊唱邊除,最後只剩下短裙與女Dancers跳熱舞。
empty
台上的巨型LED播出由Karen主持的《婦女新姿》。
empty
Karen又在片中教跳健康舞。
empty
着上肉色閃閃裙的Karen以唱片封面《全身莫文蔚》的招牌瞓梳化pose出場。
empty
之後她穿上薄袍挨在紅色跑車旁唱《冷雨》。
empty
相隔16年再在香港開騷,Karen興奮地在台上大叫:「我返咗嚟啦!等咗好耐,好耐。」
empty
唱到《潮濕》時,Karen又除外套。
empty
empty
empty
Karen唱《情與義》時,在台上與男dancer跳拉丁舞。
empty
Karen在台上表演古箏,邊彈邊唱盧冠廷的《一生最愛》。
empty
唱《幻聽》時,Karen穿上全紅女皇裝的Karen坐在大紅花轎被抬出場。
empty
Karen指因《呼吸有害》得到樂壇大滿貫,故特別將裙尾設計成球網。
empty
Karen站在網球球證凳上唱《呼吸有害》。
empty
Karen與嘉賓張敬軒合唱《只怕不再遇上》。
empty
軒仔獲邀幫Karen裙上的網,但他就顯得雞手鴨腳。
empty
(左起)Karen老公Johannes、媽媽莫何敏儀及哥哥莫理斯,被安排坐頭排支持Karen。
empty
Juno
empty
莫文蔚開騷,郭富城、成龍及張學友亦有送上花籃祝「Good Show」。
empty
劉德華
empty
劉嘉玲、梁朝偉
empty
張敬軒、陳慧琳、鄭伊健、張栢芝
-----------------------------
蘋果App大升級 更簡潔更就手!了解更多立即下載體驗