17歲日本青春女星濱邊美波今年極速上位，靠清純臉孔吸納不少男fans支持，被視為隨時威脅到廣瀨鈴、橋本環奈嘅新一代少男殺手。

濱邊美波於2011年參加東寶藝能舉辦嘅「東寶灰姑娘」成功入行，以長澤正美小師妹身份備受力捧，近期接拍多套話題電影，除咗為電影《咲Saki》（天才麻將少女）擔任女主角之外，佢另一主演新片《我想吃掉你的胰臟》將於11月在香港上映，而夥拍佐藤健新片《亞人》會於月底在當地開畫。

濱邊美波上月29日踏入17歲，並推出到台灣取景嘅寫真集《voyage》，上架以來反應熱烈，至今已第四度加印，本月初更推出2018年月曆，由於銷量同樣理想，證明濱邊美波嘅人氣有增無減。