34歲前港姐曹敏莉早年嫁俾金融才俊張家傑，婚後育囡囡Dora同囝囝Marco，去年12月再生埋三仔Leo，講明生三個夠晒數(新聞連結： http://bit.ly/2nHBjx9 )，婚後曹敏莉一直過住幸福少奶奶嘅生活，相夫教子，前日佢哋舉家去旅行，連細仔Leo都跟埋去，曹敏莉喺微博貼出抱住Leo嘅合照，留言：「Baby Leo第一次去旅行~你估我哋去咗邊？」有網民估新加坡、泰國、海南島或布吉等東南亞地區，之但係曹敏莉都冇開估!

今日又再喺微博貼出同近四個月大嘅細仔Leo影合照，瞓喺沙灘椅上，不知幾舒服，「我和他…Enjoying the sea breeze…Loving the moment…」跟住曹敏莉又再晒三個仔女嘅相，未知係唔係同仔女玩得太開心，曹敏莉有啲攰，再攬番住細仔坐喺椅上休息再訓一訓，見細仔Leo肥嘟嘟似足Q版「米芝蓮」公仔，認真cute到暈!