呢兩日港姐係咁洗版，大家日日對住出爐冠軍雷莊𠒇，應該都有啲眼睛疲勞，於是有貼心網民俾啲靚嘢大家睇。

係2017年國際小姐澳門代表麥嘉欣 (Sofia Paiva)——啱呀，佢又係叫嘉欣，而且同港姐李嘉欣一樣，都係中葡混血兒。

今年20歲嘅Sofia，係澳門土生土長嘅中葡混血兒，五官標緻輪廓分明，甜美笑容更非常吸引。佢將會代表澳門，10月底到東京出選2017年國際小姐。

麥嘉欣依家仲係大學生，喺聖若瑟大學修讀心理學，身高5呎7吋，兼職model。本來大家都冇點留意佢，但自從雷莊𠒇當選後，澳門網民都來湊熱鬧出圖，一貼麥嘉欣個樣，唔使多講。

然而，亦有唔少網民挑機質疑麥嘉欣係咪人工美女或者「美圖」，紛紛留言要求麥嘉欣嘅素顏相。Fine，冇難度，去佢fb大把十四五歲時嘅校園相，除咗眼袋大咗啲之外，美女無誤，仲有啲baby fat，絕對係gfable。不過，唔使諗喇，人哋係有男朋友喇，今年情人節先至放完閃。佢男朋友，係澳門藝人沈柏彤Kelvin，郎才女貌。

但再睇真啲麥嘉欣個樣，發現濃妝嘅麥嘉欣，有啲似陳凱琳或者Angelababy嗰種美，而素顏呢，就似陳嘉倩BB，更加gfable。

好想知麥嘉欣男同學嘅GPA係幾多？