【本報訊】公務員事務局公佈現職公務員延長退休框架建議，有公務員坦承因家庭經濟壓力願意延長退休；有公積金制度的公務員要求一次過獲批延長退休5年，而非每12至18個月再審批。
有幾年後便退休的警務人員表示願意延長退休，因兩名子女正就讀中學，而且需供樓，家庭經濟有壓力，「如果可以延長退休5年當然好，起碼捱到啲仔女大學畢業出身，生活冇咁大壓力，而且我仲有心有力應付到工作需要，點解唔可以做多5年？」但他批評公務員事務局公佈的框架建議嚴苛，「我睇完框架內容，睇唔到警隊有邊個符合資格？根本就唔想現職人員延長退休」。