廖麗麗是家中長女，肩負照顧家中幼小重任，但她遺傳了雙親的藝術天份，母親在文工團唱歌，爸爸還會拉小提琴。後來廖麗麗入讀六年制寄宿舞蹈學校，學校十分嚴格，學生練舞練習至三更半夜，打下舞功根底，廖麗麗當時最擅長是民族舞。

在那個火紅的年代，少女時代的廖麗麗年年隨學校上山下鄉，跳舞給農民，「試過上漁船跳舞，好多人膽汁都嘔埋出嚟。我就冇嘔。」

「我哋嗰陣乜嘢都做過，跳舞俾軍人、礦工睇，倒屎倒垃圾都試過，要你體驗生活，等你跳舞俾勞動人民睇嘅時候可以表現到佢哋嗰種心情，所以乜嘢都要做。好老實講，十八九歲要去倒屎倒尿，心裡面係唔舒服嘅，但個個都要咁做，你唔做，就會被批評。」

苦學6年，演出超過200場，當年廖麗麗還曾參與《東方紅》演出，「冇嘢用嚟卸妝，要搵豬油嚟卸。」