黃秋生今日出席喺銅鑼灣舉行嘅醒獅展覽開幕禮，現場有一隻巨大獅頭率領三十六隻獅子，秋生大讚場面壯觀。

對於契女梁洛施日前回港客串演出《12金鴨》，秋生話：「可能我miss咗電話，因為唔會接冇來電顯示同三字頭嘅電話，所以今次返嚟冇見面，或者我遲啲去加拿大探佢。」秋生透露目前同外國工作接洽中，問佢係咪荷李活電影？佢笑言：「外國嘢唔一定係荷李活，呢次係美國嗰邊啲電影，喺戲裏面要打功夫，聽講打得好勁。」秋生稱目前先要努力操體能，問到時係咪需要爆肌？佢話：「唔一定要，反而要動作靈活。」