兩周前遭野豬撞傷男女村民分別姓梁及姓岑,梁說當晚飲宴後返家途經垃圾站,他當時拿着一袋飲宴食剩燒雞,「我離遠望到野豬,已盡量行另一邊,可能佢聞到味,突然間衝過嚟,砰一聲撞我,成個飛開,撻落地大腿腫晒,右手肘擦傷,行番屋企,隻手不停流血,於是報警。」他被送院治理,結果傷口須縫5針。
梁說撞傷他的野豬「好大隻、成百多二百磅重」,通常晚上8時至9時便會出來「摷嘢食」,「有時仲撞冧晒垃圾桶!」他指上次受傷報警,原希望警方通知漁護署,「點知冇乜聲冇乜氣。」
岑女士當晚收工後拿着白色膠袋,「佢(野豬)突然衝埋嚟,扯我膠袋,扯郁我,成個坐咗落地!」她說不時看到很多野豬「摷嘢食」,現時晚上放工都不會行經垃圾桶附近。
■記者黎志偉、劉柏麟