八方噚日收到消息，一名來自香港嘅靚女馬寶寶，獲得2007地球小姐世界綠色環保大賽中國比堅尼小姐亞軍，實在可喜可賀。根據MissEarth網站資料，呢項選美活動由01年開始，全球百多個國家同地區參與，其他八大行星佳麗就冇份，主旨係提高環保意識。今年中國區決賽正喺無錫舉行，共有來自各省市共39位佳麗角逐。
噚日大會頒發中國比堅尼小姐獎項，原來只係芸芸11項單項獎其中一個。其他獎項仲包括追求美麗獎、最佳美腿、最佳笑容、最佳晚裝等等，部份獎項再分冠亞季軍，仲未計中國賽區同地區分區名銜，咁多個獎，似足人人有份「豬肉獎」。代表香港嘅馬寶寶，八方四處搜刮都搵唔到佢更多資料，知道請通知聲。