港鐵工程接連爆出醜聞，先有沙中綫紅磡站剪短鋼筋事件，又有高鐵西九龍總站狂漏水，身為兩站承建商的禮頓建築非議纏身。禮頓今日再被揭發疑未有妥善監督高鐵西九龍總站地盤工程，導致一名「三判」技工被重兩噸的水喉撞到左膝受傷送院。禮頓否認沒有設置安全工業系統，以及沒有提供所需指導及監察的兩項傳票控罪，今於觀塘裁判法院受審。受傷工人供稱，不論禮頓、「二判」或「三判」，均沒清楚講解吊運建材的知識及潛在危險，更透露高鐵西九總站地盤現場環境「好嗱渣」，直言：「地下有水漬，一落雨又水浸！」

「三判」技工戴燕粦於案發當日使用滑輪，將水喉其中一邊吊起，並「打斜」拉向安裝位置，其間被重兩噸的水喉撞到左膝。戴至今走路仍一瘸一拐，又在庭外透露事發之後留院5日，雖然醫生指他未有骨折，但他仍感到「好痛好痛」，膝蓋仍未康復。

戴庭上供稱，他於去年4月24日在高鐵西九龍總站負責排水工程工作。當日下午他與其他技工使用滑輪「打斜」吊運水喉，運送期間他遭長3米、闊0.6米，重量近兩噸的水喉撞到膝蓋。

戴續稱，工程「判頭」李遠芳平日會監場，但當時李剛巧「行開咗」。平時伙記均使用滑輪「打斜」吊運水喉，從沒人跟他說過吊運期間會有何潛在風險及相應措施。

被告禮頓建築（亞洲）有限公司一方盤問戴時指出，滑輪只可作垂直吊運，不可「打斜」吊運水喉；工人如需運送水喉，應使用剷車或手唧車。禮頓又展示3份訓練課程紀錄，證明2016至2017年間曾委託「二判」進利工程有限公司開班，教授吊運及安裝水喉方法，戴亦曾三度上堂學習。

戴同意上過有關課程，但謂：「可能（進利）冇講得咁清楚，剩係有講過要垂直吊，但冇講過唔可以斜拉！一路以嚟都咁做，做咗一年都冇人話！大把人見到我打斜拉，冇人話唔得。」

戴又自言知道可用剷車運送水喉，但他認為「有啲地方太細，係用唔到剷車，一定要用我嗰個方法」，又指平日他「打斜」吊運水喉時，不論港鐵工程人員、管工或工程師見狀「都唔會出聲」，且因一輛剷車未能負荷重達近兩噸的水喉，需用兩輛剷車。

「三判判頭」李遠芳亦有出庭作供，他稱當日曾指導戴要先用剷車運送水喉到安裝位置，再用滑輪垂直吊起水喉安裝，並稱地盤內有剷車可供使用。李堅稱不知道戴「打斜」吊運水喉，表示「正常唔可以咁做」。

【案件編號：KTS19857、19858/17】

記者：蘇曉欣