馮仁昭四圍超:吳卓羲拍劇周身傷 張馨予呵番 - 馮仁昭

蘋果日報 2011/07/26 00:00


吳卓羲(Ron)、陳展鵬同黎諾懿等,噚日下午喺屯門一間木廠拍無綫新劇《ATF反恐》,仲搭咗個場景拍爆破戲。其中一個小爆破後,Ron同陳展鵬滿面沾上用作特別效果嘅粉末,喺木廠逃出,睇見都戥佢哋辛苦,之前話佢哋唔妥,但噚日見又冇事。
empty
吳卓羲同喬寶寶拍追捕戲,唔知緋聞女友張馨予(小圖)知佢辛苦點呵番呢?
empty
陳展鵬同李亞男合作得幾愉快喎。
empty
轉咗做助理編導嘅崔建邦都有喺現場出現。
黎諾懿上楊怡屋企
Ron拍呢套劇受咗唔少傷,之前腳韌帶撕裂,後來又撼傷眼球,真係多意外,緋聞女友張馨予一定好心痛,Ron直認有同佢聯絡,女方仲問候佢,Ron話:「都有,好多朋友都問候我,有睇報紙都知受傷。」大大方方咪幾好,可以隔空呵護番。
黎諾懿同楊怡近日又戀情曝光,男方行外母政策,成日去女方屋企作客,車位都兩份用,黎諾懿解釋:「呢啲新聞我唔係第一日解釋,我同阿怡同屋企人關係好好,經常上去佢屋企食飯,但唔係拍拖,車位係阿怡架車o架,我去佢屋企食飯,泊住個車位先。」黎諾懿仲補充話對楊怡感覺幾好,世界咁大好難講。