當年今日
關於我們

【蔡志明專訪】未言退休?蔡志明:接班隨時有得發生

蘋果日報 2018/09/18 00:01

蔡加讚蔡志明玩具大王蔡加怡

今期流行退休,年長如90歲的「超人」李嘉誠、年輕如54歲的阿里巴巴創辦人馬雲都宣佈退休,今年71歲的蔡志明卻斬釘截鐵說,「我唔會退休,我做到最後一日!」對於接班人,他盛讚子女們各自有本領,「最好一齊做啦!」
蔡志明與太太李惠莉有三女一子,大女蔡加敏(Carmen)、次女蔡加穎(已殁)、三女蔡加怡(Crystal),及孻仔蔡加讚(Karson)。
談到子女,蔡志明讚口不絕,指他們從小就很乖巧,不算百厭,無需父母勞心。由於蔡志明很忙碌,子女小時候為了他一面,放假就到公司做「童工」,「加讚最百厭,坐唔定,有時做到悶,攞個足球周圍踢,又撞爛啲嘢,畀我罰過架。至於三個女就好乖啦。」他指,加敏很有設計才能,對設計好有心思,從小已給予很多意見,從前留學暑假回港,就會到公司幫手。現在,兒女均長大成人,大家為家族生意各展本領。
蔡加敏前主要負責玩具業務; 蔡加怡則負責所有本港及海外地產項目,而蔡加讚則獲爸爸打本,發展鐘錶事業,亦與加怡一齊負責海外地產,「可能細個見我日做夜做,變咗佢哋都唔坐得,一得閒就想要做嘢。」蔡志明笑言。
子女成才,但蔡志明無想過退下火線,「冇諗過退休,亦唔會退休,做到最後一日。因為一放假,我都唔知去邊,(去釣魚?)釣魚日日釣咩?香港都冇魚釣。」的確,蔡志明仍很壯健,說話中氣十足,未見一絲老態,「我而家行路仲快過佢哋(子女),你叫我唔做唔得架麻。我係好鍾意做嘢嘅人。」
他說,不退休,子女仍可擔大旗,「各人有各人專長,(子女)依家分分鐘做嘢叻過我,意見好過我,(接班)隨時都有得發生,所以公司我喺度又係咁做,我唔喺度都係咁做,可能做得更好。」
記者:陳雪蕾
攝影:馬泉崇、林寶益
全球樓行 Dream House零距離
https://hk.feature.appledaily.com/overseasproperty
empty
蔡志明於辦公室中擺放家庭照,包括蔡加怡(左一)及蔡加讚(左二)