韓國綜藝節目《Running Man》嘅前成員Gary，今年4月自爆結婚，之後佢都一直表現好低調，亦唔多更新Instagram，近日更關咗Ig，等粉絲都難以得知佢近況。

不過Gary有咁多粉絲，所以不時都會被捕獲，而近日原來佢仲秘密嚟咗香港，今日佢就被發現喺機場，有網民就話一早就見Gary喺機場候機室等候出發，不過網民就冇講佢係一個人定同埋老婆同行，而Gary亦親民地同一大班空姐合照。

Gary今日由香港出發飛去馬來西亞檳城，為聽日舉行嘅表演做準備，同時仲有少女時代前成員Jessica。